LOTHA METALO WOTHUNG RODEN
(First Missionary to the Lotha Nagas)
Rev. Dr. Clark jo Ao metalo wothung, tolia ombo na ete Lotha jipo jiang ha Potsow shancho motsü tona limha ntsinran to yakchia wondang ekümo sosi yichevű to zechei Dr. W E Witter (Dr. William Ellsworth Witter) ompoe ji Wokha Station lo wothok elhi chonchiv tsükona etssyukae picho. Hoji ephanina paniponi na Ephi 9, 1885 lo Vokha Station jancho. Osi jithüng Deputy Commissioner, Naga Hills na Hills na wothung ompoe ji kik ompoe ji kike motsünga miso na ethungzhüa tvü licho jilo evam picho hoji ntssüngrüngi pichepiri vantacho. Yuta tara Wokha Station lo Kyon olan olan vamo jiang vanlanyilan sükhying jiang ntsi khia vancho. Ompoe na Bible osi shancho lanka jiang ryūpaka kyon püngnocho. Elani ompoe na nonghori thüngi ntsinran lanka yakchia Khrista elhi mmhonkata tssorhüpchevű to zechei Chümangshan yonton, jithüng jo British Inspection Bangalow, enhünga 12 AR. na vanta evamo shilo Jikanika 25, 1885 lo khaphen chonchicho. Benka nzyu jo nonghori nchyu 3 tae tssocho, tolia sülami jo kyongkata yicho. Püngno osi ekha jo Assamese na Daneil Boruah, Assam Kyon jina püngnocho.
Jithüng DC, Naga Hills jina khaphen ji yenjo eni oro zesi ekhae jiangna mmhona khata vamo ji hüngi emathata khaphen ji mmhonkatokvü tsükona Rangpyak 300/- nzanchi epivü tsükona Chief Commissioner thüngi ehüngpvüi picho.
Dr. W.E Witter ompoe na “Outline Grammar of Lotha Language with a Vocabulary” to eramo ji Chief Commissioner yidan lona Yansasae rang na ethüngezüa ejűpcho. Shi tae mekna Lotha Khaden Kako (First Lotha Primer) ji ha erancho elani kako thanpho ha Lotha yina khophicho.
Dr. Witter kikhümvü jina Jikanika 2, 1885 lo Emong Khaphen ji benkacho. Shi lona Potsow motsü tona okhen to lona nonghori jiang sokabenkacho, Hojito ete Lotha tsükona ezüp khia elhi tssoa vanathüng Dr. Witter Kikhümvü ji nochonoria ha talüngphen enhyano n lio ji yakchia Chesü choro 1887 lo Kohimae chüngi otsük talüngta vansi onte metae yilamo sükhying tssoa jo Americani yilani sicho.
Dr. W.E. Witter ompoe sülojo ete Lotha meta ndana wothung jo nvam sicho. Tolia Ao metalo Wothung Rev. R.B. Longwell ompoe na Impur lona e nzanna e zenhya vancho. 1905-22 yuta lojo ompoe na eyi eyi oro Khristian jiang janthechia osi onte ethelan jiang zeyata vancho.
(As published in the WTBC Centenary