WOKHA TOWN BAPTIST EKHÜMKHO
YITHENRO (BULLETIN)
EMONG
Chopük (November) 17, 2019
*****
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Yanpiyanthan :- Hopta etsao jilo ete Ekhümkho woro shiang yanpiyanthan liala
i) Myingthunglo Kikon & Wobemo Yanthan – 19/11/2019 Lotha Baptist Church, Dimapur, KLOK Sector yuta jo 11:00 Am
ii) Esther Odyuo & Thungdemo Patton – 21/11/2019 Lotha Baptist Church, Dimapur yuta jo 11:00 Am
Longtsüi oro-ojü topvüna randanina thenhyata vantasi owo khümshümtale to jonjiala.
2) Deacon ethan sothe : Mr. Zubemo Kikon, ETC yankho elani Mr. Nlumsao Humtsoe, LMTC to oni nchüng Deacon elhilo Mother Church lona randankata sotheta la. Ekhümkho na longtsükata janphyao ji esüa emathata Opvüi elhi kyongkata etssov mhanka hansi khichothako ji tsükona Ekhümkho thong tssoa montsson nte piala. Opvüi khi Ombo elhilo kyongka-rankata nte tsütsathokvüka. Amen!!
3) Nokasa/Photo ekhata : WTBC Centenary celebration History jilo thetav tsükona khajoe elio committee osi okho shiang na nchüng (17/11/2019) mmha ekhüm thakcho sülo yuta 12:30 Pm. ete Mother Church lo rotaleto ntsijantala.
i) Centenary Celebration Organizing Committee
ii) Centenary Celebration History Committee
iii) Centenary Celebration Publicity/PAS Committee
iv) WTBC Ministerial Staff.
Elani committee members ochoang sana khacho jiang ha methaki rotale. (Nchüng shi okhao tssovka)
4) WTBC 75 Years Jubilee Choir : WTBC 75 years jubilee choir members kvütata vancho sana topvüto thüngi ete Ekhümkho centenary celebration yutalo okhen yakchia ehüngpvüi tssotavka nzansi choir members osi khensoeden topvü tona randana vantasi nkhyai nsitana 21st Nov.2019 (Thrusday) 4:00 Pm lojo ete Mother Church lo rotaleto jonjia nte tsala.
NTHO META YENTSA
Oct 25th-Nov 9th, 2019 yuta shilo enpoe na ntho meta yentsata thüng nte kvütata na erandaniata vancho sana topvüto thüngi montsokato nte piala. Echümporo tssoa Ekhümkho lo Deacons Board nlan-nsüng yakchia Ekhümkho na ekyo-erong apia a wothoko ji tsükona ana Deacon Board osi Ekhümkho lo longtsüi topvüto thüngi montsoka to nte piala.
Elani Kija,Wopan, okho osi yankho kvütatana nte nzan khe ejüa erandanita e wothokcho sana nte topvü to thüngi echümporo tssoa montsoka Potsow khi nte mmhayithokvüka to nte randaniala.
Hungrina Meta/Country shiang lo wotacho
i) Jordan :- Potsow na Moses ji echümjako meta jo shi tolia nino rheyichev meka to ezovo meta Mt. Nebo Madaba (The City of Mosaics)
ii) Jerusalem/Isreal :- Jisu Christa na shilo,shilo to sanphia chethev etso meta jiang topvü Nazereth-
Jericho- Dead Sea of Gallilie
ii) Bethlehem/Palestine :- Jisu ebuko meta, olyu-enhyang na vamo meta jiang.
iv) Egypt :- Red Sea, Mt. Sinai Moses na yizüng taro hansi jeyio ji, Chürhüp (Burning Bushes) Potsow na Moses etsao ji.
Enpoe thüngina topvüto thüngi elümoto montsokato nte piala.
– Mrs. Ajano K. Kikon, Eloe Esopvüi Nzanchi
ECHU NUNGRA
Hopta shilo ete Ekhümkho woro shiang eküm mona yicho :-
i) Khelibeni Odyuo, Forest Yankho -13/11/2019
ii) Woremo Humtsoe, ETC – 15/11/2019
Nungkhu nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.
*****