WOKHA TOWN BAPTIST EKHÜMKHO
YITHENRO (BULLETIN)
EMONG
Chopük (November) 24, 2019
*****
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Yentsa : Ekhümkho thong tssoa Rev. S. Thungrio Khuvung, Pastor tona Mr. R. Samuel Ovung, Asst. Pastor to onio Chanpang Baptist Ekhümkho jilo ete Ekhümkho nzyu nzoa müngyanchi ji zechia randan khümshümta yentsata vana, topvü na randanita vantana mhona to ntsijantala.
2) Multi Purpose Building nthoche :
Potsow nzan yakchia 2019 loha ete Ekhümkho thüngi “Multi Purpose Building” ethan emhayithako ji tsükona December 1st 2019 yuta 8:00 A.m lo nthochetav. Nzansi Church Staff, Deacons, Deaconesses tona Stewards to jiang topvüna myanta rotaleto ntsijantala.
3) WTBC Youth Ministry :
i) WTBC Youth Ministry nlansüng yakchia 100 years centenary celebration ndana Pongdenro jiang na emathata jokhetaman khyatao ji tssotsüi Rs. 5,74,340 (Five Lakhs seventy four thousand three hundred and forty) rheyicho. Pongdenro kvütata na Potsow sükhying nzan mmha eyiloa Potsow montsson epi lümbüm hansi othan pitacho sana Potsow khi ochyu-ovüng vanlanyilan topvülo elani osolo osi omonlo tsükaranka lia nte nzana mmhayitokvü tsükona randania Ekhümkho thongtssoa montsson nte piala.
ii) Hopta tsata evamo Saturday mmyuwoe jo WTBC Youth Ministry nlansüng yakchia Christmas sothe (Advent Christmas) echümporo ekhüm lhinsüng khitav tsükona methakta vana. Ekhümkho longtsüiden wopan topvüna randan lona nchümcheta vantasi loroe khyingroe jiang ephalo opvü-opoden, opvü-oyoden (nzontsü) na tssolia myanta ekyorong pia oro khümshümtav tsükona emathata eyiloa nte tssala. Ekhüm thakcho sülo Advent Christmas Bonfire cum Coffee Nite ha liv.
Tsüngon : 30th November, 2019
Yuta : 4:00 Pm
Meta : Mother Church
iii) WTBC Youth Ministry nlansüng yakchia nzyu nzoa müngyanchi elani Christmas tsata evamo ji myingona yankho, yankho decoration merangta (competition) khitav tsükona November last week lo methaki lia. Decoration inspection jo 1st-2nd December 2019 lo tsov. Hojilo yantso ovüngo, enio osi ethümo to methaki lia. Hoji tsükona nchümcheta randanta methakta vantav ntsijantala.
MONTSSON EPI
i) Potsow emhokthav nzan yakchia osi longtsüiden randan osi nte na othan ori mhona epio ji yakchia nchüküm WTBC na ochi elio jiang ji topvü lokhan thaka. Hoji tsükona Potsow montsson pia nte longtsüi oro-ojü thüngiha montsson nte piala. Opvüi khi oro-ojü topvü thüngi Ekhümkho thong tssoa nte mhayitokvükato nte randaniala.
ii) Ete Ekhümkho Accountant chest box japi moni sio ji tsükona Er. Mhondamo Ovung tona Dr. Mhabemo Kithan to onina chest box ethan shüi Ekhümkholo etheyio ji tsükona Ekhümkho thong tssoa oni osi oni wopan thüngi montsson piala.
Opvüi khi onte mhayitokvüka to randaniala. Amen!
ECHU NUNGRA
Hopta shilo ete Ekhümkho woro Kivungo Humtsoe, ETC yankho ji 20/11/2019 lo ombo eküm mona yicho.
Nungkhu nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.
*****