WOKHA TOWN BAPTIST EKHÜMKHO
YITHENRO (BULLETIN)
EMONG
Chodantsü (December) 1, 2019
*****
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Yanpiyanthan : Hopta etsao jilo ete Ekhümkho woro shiang yanpiyanthan liala
i) Mharhoni Ezong & Mhathung Odyuo – 6/12/2019 WTBC, Mother Church yuta jo 12:00 Am
ii) Longshibeni Ovung & Ezamo Tsanglao – 6/12/2019 Lotha Baptist Church, Purana Bazar Dimapur yuta jo 11:00 Am
Longtsüi oro-ojü topvüna randanina thenhyata vantasi owo khümshümtale to jonjiala.
2) Yanpiyathan lhinsüng 6/12/2019 :
Mother Church
Esopvüi : Mr. V. Yentsao Ezung
Lhitssoe : Rev. S. Thungrio Khuvung
Benka randan : Mr. Zanbenthung Kithan Pastor Yikhum
Ethak randan : Mr. Thungjamo Deacon
Etsoyu randanka : Rev. L.K. Tsanglao Pastor Longsa
3) Bible Sunday : Nchungo Bible Sunday ekhüm lhinsüng sector topvü lona khita vana. Nzontsüna tssolia lhinsüngo ejui jiang tsükona randanita vantav ntsijantala.
4) Social Work : WTBC Mother Church retaining wall jiang white wash tssotav tsükona WTBC Staffs, Deacons tona Stewards jiangna social work 2nd December, 2019 lo tssotav to methaki lia, Hoji tsükona randana vantasi tsüngon mekae elio jilo jo topvüna nkhyae nsina rotaleto ntsijantala. Tsüngon shilo tsoyan-mori tsükona jo Eloe yangro jiang enghikatala.
5) Deacon tona Stewards ethan sothe :
Mr. Wobemo Murry, MTCC ji nchüng Mother Church lona Deacon elhilo randankata sothetala elani Mr. Khonbemo Ezung, Niropen tona Mr. Nchumbemo Shitiri, NST to oniha nchüng ombo/ombo sector lona Steward elhilo randankata sotheta la. Ekhümkho na longtsükata janphyao ji esüa emathata Opvüi elhi kyongkata etssov mhanka hansi khichothako ji tsükona Ekhümkho thong tssoa montsson nte piala. Opvüi khi Ombo elhilo kyongka-rankata nte tsütsathokvüka. Amen!!
6) Yentsa : Rev. Abemo Jungio, Asst. Pastor jo Changpang Baptist Ekhümkho lo Pastor license epi ekhüm khita evamo jilo owo theta vana. Nzontsü na tssolia randanita vantana mhona to ntsijantala.
7) Multi Purpose ki jilo : Mother Church lo Multi Purpose ki ethan tssoe elio jilo room motsünga jo WTBC meritok okho jiang tsütsatokvü tsükona vayiala.
8) Jubilee Pandal : Nzyu nzoa müngyanchi ji zechia pandal ji Wokha local ground jilo 26th November, 2019 lona benkae tssota yiavana. Longtsüi oro-ojü topvüna elhi tssota evamo shilo tsolüp-phyolüp nlitokvü tsükona randan lona nchümcheta vantav ka.
MONTSSON EPI
Shri. Orhyumomo Ovung Forest yankho jina Saron sector Church jilo Christmas tong (tree) eshiv tsükona orang Rs. 10,000/- epicho. Ekhümkho thong tssoa montsson ombo osi wopan pia Opvüi khi onte mmhayitokvüka to randaniala.
ECHU NUNGRA
Hopta shilo ete Ekhümkho woro Z. Jenny Humtsoe, Tsumang yankho ji 27/11/2019 lo ombvü eküm mona yicho.
Nungkhu nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.
*****