WOKHA TOWN BAPTIST EKHÜMKHO
YITHENRO (BULLETIN)
EMONG
Nri (Febuary) 02, 2020
*****
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Asso. Pastor randanka :- Nchüng WTBC Asso. Pastor lhidong ji etssov tsükona Rev. Abemo Jungio ji Mother Church lona randankata sothetala.
Longtsüi oro-oju topvüna ombo osi wopan jiang tsükona nchümcheta randanita vantav ntsijantala.
Ekhüm thakcho sülo sotheta evamo wopan osi WTBC Staffs, Deacons, Deaconess tona Stewards to jahapani lona khümshümta liv.
2) Exam epi jiang randanka :-
Emong etsao 9th February, 2020 Mmha Ekhüm jilo ete ekhümkho woro ojang epiden Joren taro tona taro eni (Class X & XII) jiang Mother Church lona tssorümi randanka khiala.
Randana vantasi mmyanta oro thetale to ntsijantala.
3) Yentsa :-
Ete Ekhümkho thong tssoa Mr. Y. Chumbenthung Murry, Asst. Pastor jo NBCC 83rd Annual General Council sanrhyu 30th January – 2nd February, 2020 LBA Tening, Peren lona khita vamo jilo owo theta vana.
Ombo yentsa eyi-ewo osi lhinsüng jiang tsükona randanita vantana mmhona to ntsijantala.
4) Mrs. Mhalo Yanthan, Eloe Esopvüi elhilona esancho :-
Emong etssao 9th February, 2020 lojo Mrs. Mhalo Yanthan, Eloe Esopvüi ji ombvü elhilona tsümchak beni esanchoa evamo ji randanka ekhüm lhinsüng Mother Church lona khiv. Hoji nchuk jo ombvü elhilona esanchoa evamo ji ndana sector topvülo nzan than liv.
Longtsüi oro-ojü topvüna ombvü osi wopan jiang tsükona randan lona nchümcheta vantasi topvüna mmyanta oro randanita lhinsüng tsüphov shilo thetavka to ntsijantala.
ECHU NUNGRA
Hopta shilo ete Ekhümkho woro Margret Murry, Likya Yankho ji 29/01/2020 lo ombvü eküm mona yicho.
Nungkhu nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.