WOKHA TOWN BAPTIST EKHÜMKHO
YITHENRO (BULLETIN)
EMONG
Nri (Febuary) 16, 2020
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Eloe Esopvüi randankata sothe:- Deacons Board Methak 69/20 Dt. 14/02/2020 ephanina nchüng Mrs. Ajano Kikon ji Eloe Esopvüi lhidong jilo Mother Church lona randankata sothetala.
Ekhümkho thong tssoa “mmhachoka” (congratulations) ka to ompvü pia, Opvüi khi Ombo elhi lo kyongka rankata ompvü tsütsathokvüka to randaniala.
2) CNY WTBC :- Sunday School Püngnoe oküpoe omying pi elio jiang na ete Ekhümkho Christian Ntsinran Yangro lo ekyo-erong elümoto pita rosi nchüng ombo/ompvü Sector lona randankata esanchotokala.
Nte elhi mmhom jiang yakchia Ekhümkho shilo ngaroden jiang na elümoto eman hungi khithaka, Ekhümkho najo ntia nte pilamo nli, tolea Thotsü Potsow khi nte mmhayithokvüka to nte randaniala, ochyu ovüngi mpi tsolea Ekhümkho na longtsükata nte ethümphia tssona emathata kyorongta votale toha jonjia ntsitala.
Omying osi nzyu kvüta tssocho sana jiang :-
i) Chonben Tungoe (M/C) -3yrs ii) Thungchano Ngullie (M/C) -5yrs iii) Ajano Tungoe (M/C) -11yrs iv) Rosemary Ngullie -11yrs (M/C) v) Thungabeni Mozhui (NST) 4yrs vi) Thungdeno Tsanglao (Mt. Sinai) -4yrs vii) Loreni Odyuo (Mt. Sinai) – 13yrs viii) Renchilo Kithan (Mt. Sinai)- 4yrs ix) Thungdeno Tsopoe (VSC) -6yrs x) Nzano Kikon (VSC) -3yrs xi) Ethungbeni Ezung (VSC) -3yrs xii) Shanchothung Ezung (SSC) -5yrs xiii) C. Zubemo Khuvung (SSC) -8yrs
Püngnoe ethan shiang nchüng randankata sothetala :-
i) Bhanchamo Odyuo (M/C) ii) Mhono Ngullie (M/C) iii) Wopen Mozhui (M/C) iv) Lothungbeni Jami (Mt.Sinai) v) Arhoni Humtsoe (Mt. Sinai) vi) S. Pinky Humtsoe (NST) vii) Mhonbeni Humtsoe (SSC) viii) Senthungo Kikon (SSC) ix) Chumbenthung Ngullie (SSC) x) Zuchobeni Emungri (VSC) xi) Avani Odyuo (VSC)
Potsow elhi etssov lo emathata khichothako ji tsükona yangro thong tssoa montsson onte piala, Opvüi khi olan onte sothokvüka.
3) Disaster Management Training :- Feb. 17, 2020 10:00 A.m lo Mother Church compound lona Civil Defence Department yakchia ete Ekhümkho staffs, Deacons, Deaconesses, Stewards, S.S. Pungnoeden elani Pongdenro
lhishüp esaeden thüngi Disaster Management Training epiv sala. Hoji tsükona topvü na mmyanta oro thangshi jilo thetale to ntsijantala.
Montsso Epi
1) Mrs. Mhalo Yanthan nzan than rheyicho :- Tsüngon 9th January lo Mrs. Mhalo Yanthan ere elhilona esancho ekhum lhinsüng khitathüng longtsüi oro-oju thüngina emathata nzanthan rheyicho :-
(a) Mother Church Rs. 2,10,580/-
(b) Vungoju Sector Rs. 34,470/-
(c) Saron Sector Rs. 24,170/-
(d) NST Sector Rs. 46,730/-
Totsüi Rs. 3,15,950/-
Longtsüi kvütatana lumphya lumbum hansi thantacho/pitacho sana nte topvü thüngi ete Potsow khi olan topvü lona benria nte mmhyitokvü kato nte randania Ekhümkho thong tssoa montsson nte piala.
ECHU NUNGRA
Hopta shilo ete Ekhümkho woro Mhabemo Ngullie, Blue Hill Yankho ji 12/02/2020 lo ombo eküm mona yicho.
Nungkhu nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.