WOKHA TOWN BAPTIST EKHÜMKHO
YITHENRO (BULLETIN)
EMONG
Chodantsü (December) 22, 2019
*****
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Khanhyae ethan sothe :-
Nchüng ombo/ombvü Sector lona khanhyae tongphi kako (Transfer certificate) hansi eyio jiang randankata sothetala. Kvütatana randanka jilo theta vancho sana ekhüm thakcho sülo omying setsüngta jilo thetasi yitaleto tanjünga ntsijantala.
2) WTBC Nzyu nzoa centennial Receptions & Accommodations Committee thüngi na ntsijata : Ekhümkho thongtssoa eyi-lankon (Delegates) kvütata na WTBC Nzyu nzoa müngyanchi shilo rov düma vancho sana, onte nchenphen sanphen tsükona jo Wokha Town-i evan ombo, ombvü yanchü kyon-wopan-phiyamo jiang na zetüngzeri nzanchi pitaleto ntsijantala.
Omying eranta (Registration) jo 27th December, 2019 enyathüng 9:00 A.m WTBC Mother Church lona benkav to ntsijatala.
3) Deaconess ethan sothe :-
Nchüngha Potsow nzan yakchia Mrs. Loyani Jungio Midland Yankho ii) Mrs. Mhalo Shitiri, GA yankho iii) Mrs. Mhonchumi Humtsoe, Saron Yankho iv) Mrs. Nseno Kithan, NST Yankho to shiang Deaconess etssov tsükona emhayithako ji tsükona ombvü/ombvü sector lona randankata sothetala.
Nte na emathata Potsow elhi etssov khichothako ji tsükona Ekhümkho thong tssoa montsson nte piala, Opvüi khi Ombo elhilo kyongka rankata nte tsütsathokvüka.
4) Yanpiyanthan Tsükona Ntsijata Yilan :–
Deacons Board Methak No. 599/19 :- Yanpiyanthan khiathung Mother Church chungi tssolia Sector Church chungi tssolia Deacoration nntssotokala to methakala. Shijo 1st January, 2020 lona benkav to methakala.
Deacons Board Methak No. 600/19 :- Mother Church lo Yanpiyanthan feast jo oküpoe site eni Baptistery tona site esanawoe to jilona khitokvü to methakala. (Church hapo tsotso jilona jo nkhitokala to tanjunga ntsijantala)
MONTSSON EPI
i) Lotha Hoho office bearers jiang yakchia Nzyu nzoa müngyanchi ji myingona Lotha Tribal Council Hall (LTC) ji oman e nkhiyi na tsütsatav tsükona epi lia. Ekhümkho thong tssoa montsson onte pia, Opvüi khi onte mmhayitokvü randaniala. Amen!
ii) Mr. Nzanbemo Tungoe, GB NST osi ombo wopan na nzyu nzoa müngyanchi tssata evamo ji myingona Jeni (Sugar) Bag eni epicho. Ekhümkho thong tssoa montsson ombo osi wopan jiang pia Opvüi khi Ombo elhilo kyongkata onte tsütsatokvü randaniala. Amen!
iii) Nchüküm ha Potsow nzan yakchia nzyu benkadenina etena randana yitao ji esüa Ombo nzan ji ete lo lia shi nandang yia vamo ji tsükona Opvüi myingthüngala!
Nchüküm nzyu shilo nte kvütata na emathata Opvüi khümta rotakcho sana elani olan, olan khi Ekhümkho tsükaranka tsükona elhi mhom tssota rotacho sana nte topvüto thüngi emhokthav montsson nte pia ete Opvüi khi nte khonzantokvü kato nte randaniala.
Nchüng mmyu na benkae Christmas 2019 lhinsüng jiang khita yiv topvüna randana vantasi ete topvüna mmyanta oro Opvüi khümta osi Opvüi myingthüngitav kato jonjiala.
ECHU NUNGRA
Hopta shilo ete Ekhümkho woro Thungbemo Kikon, ETC yankho ji 17/12/2019 lo ombo eküm mona yicho.
Nungkhü nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.