WOKHA TOWN BAPTIST EKHÜMKHO
YITHENRO (BULLETIN)
EMONG
Emhvü (March) 15, 2020
ELONCHO YI
Longtsüi kvütatana Opvüi tsüngon ka osi Ombo na e picho ka to nchümcheta montsson epi lümbüm hansi Ombo khümphenki rothakcho sana Opvüi myingona emathata nte elonchoala, khümo eroe topvüto pono Opvüi khi nte mmhayithokvüka. Amen!
NTSITA YI
1) Rev. Khonbemo P. Kikon thüngina :- LBCA yakchia (2020-2022 Feb) na ndang Ordination Board Chairman ji atsothoka vamo ji tsükona ordination osi license epi ekhüm topvütolo Board Chairman ejoena sükhying elhi tssoyia evo tvü etsso ji tsükona ana ete Ekhümkho sükhying hansi elhi tssoa woathüng tsojana atsothokvü tsükona nte randan lo athenhyata vantavo to jonjia ntsijantala.
2) Yentsa :- Rev. S. Thungrio Khuvung, Pastor tona Rev. Khonbemo P. Kikon, Asst. Pastor tojo LBCA yakchia nchüng 15/03/2020 N.Longidong Baptist Ekhümkholo Pastor license pita vamo ekhüm jilo owo kyorongta theta vana. Randanina nchümcheta vantaleto ntsitala.
3) Sector Churches lanchi committee thüngina ntsijanta :- Emong etssao (22/03/2020) mmha ekhüm thakcho sülo Sector churches lanchi Committee yakchia sector ethümatolo (Vungoju, Saron & NST) janthechia rov sala. Hoji tsükona nzontsü topvüna randana vantasi mmyanta vani thetale to tanjünga ntsijantala.
4) 2020 Baptism :- Ekhümkholo longtsüiden ngaro kvütatana nchüküm nzyü shilo baptism ekhiv tsükona nchüma vancho sana ni mying, nipo mying, epok tsüngon osi nzyu, joren kvütalo kha vancho sana erantsüngina erani ombo/ombvü yankho lo Deacon pitale to tanjunga ntsijantala.
5) Youth Incharge elhilo sothe elani esancho :- Mr. Chumben Humtsoe, Vungoju yankho ji nchüng Vungoju Sector Church lona Youth Incharge elhilo randankata sothetala.
Ombo na emathata Potsow elhi etssov elonchothako ji tsükona Ekhümkho thong tssoa ombo osi wopan thüngi montssonkato onte pia, Opvüi khi Ombo elhilo kyongkata ombo tsütsathokvü randaniala. Elani Mr. Renbemo Tungoe, GHS Yankho ombona elümoto sunga Pongdenro jiang ji sokabenkata, zeyata rosi nchüng ombo elhilona randankata esanchoa vana. Ni osi wopan na WTBC lo kvutata ekyoerong pita rothakcho sana osi Potsow benka elhi mmhom tssoa yithakcho sana hojiang topvüto tsükona Opvüi Potsow myingona montsson ni osi ni wopan thüngi piala. Opvüi Potsow khi nte pono mmhayithokvüka, Amen!
6) Youth OBs ethan rheyia evan osi esancho elani S.S. Pungnoe ethan sothe :- Nchüng Mother Church, Saron sector elani NST sector lona Youth Obs esanchoa vamo, ethan rheyia evamo elani S.S. Püngnoe ethan jiang randankata vana. Nte kvütatana Youth Obs elani S.S. Püngnoe etssov tsükona khichoe licho sana topvü pono Ekhümkho thong tssoa montsso nte piala elani kvütata esanchoa vancho sana jiang thüngiha montsso nte pia, Opvui Potsow khi nte pono mmhayithokvüka to nte randaniala.
7) Khanhyae ethan sothe :- Ekhümkho thanpoe na khanhyae tongphi kako yu (Transfer certificate) hansi eyio jiang randankata sothev tsükona hopta etsao 22th March, 2020 mmha ekhüm jilo ombo/ombvü sector lona khiv.Randana vansi nkhyae nsina oro thetale to ntsijantala.
MONTSSO EPI
Wokha Town Pastor’s Fellowship yakchia March 6th-8th 2020 yutalo ete Ekhümkho lona “Youth Revival” lhinsüng mmhom khitacho. Hojilo ete Deacons Board mhoncho yakchia ete Khümphenki, Tsoyanphen osi lankon nchenphen jiang topvü lanchi enzanchia elhi mhom etsothoko ji tsükona ana Ekhümkholo Pastor osi ombo nzo etssoeden jiang topvüto thüngi Wokha Town Pastor’s Fellowship thong tssoa montsotoka to piala.
– Rev. Khonbemo P. Kikon, Chairman WTPF
ECHU NUNGRA
Ete Ekhümkho woro Mr. Jimmy Humtsoe, Blue Hill yankho ji 13/03/2020 lo ombo ekum mona yicho.
Nungkhü nungrae wopan jiang pono Potsow khi noying osi lümbüm etsson onte pithokvü tsükona randan lona thenhyata vantana mhona.